ازاي ممكن ال Fake test ال بنعمله قبل ما نشتري البضاعه يسوحك؟!
اغلب ال شغالين في الايكوميرس قبل ما ياخدوا اي قرار بشراء البضاعه لازم يعملوا تيست الاول طلما دا ممكن، لكن في بعض الاحيان قراءة نتايج ال fake test بتبقي فيها مغالطات و اوقات ممكن تتسوح و تجيب بضاعه مغرز و تركن 🤷♂️
طب تعالوا نفكر سوا في كام نقطه ممكن تسوحك 😅:
١- لو معملتش ال confirmation calls لاوردرات التيست و دي معروفه و اهميتها هي ان عادي المنتج الناجح معاك يكون نسب تأكيده مش كويسه و احتمال كبير هيكون نسب التوصيل بعد شراء للمنتج مش كويسه.
٢- لو مراجعتش شكل الداتا نفسها يعني لو جالك ٣٠ اوردر ١٠ منهم بياناتهم ناقصه او fake او كلام سلبي فدا مؤشر بناء علي خبرتي بيفرق و وارد جدا نسب المنتج دا تبقي سيئه جدا خصوصا لو ال fake هو ال كتير
٣- لو مخدتش بالك من ال CR% لو كان في التيست عالي مثلا ١٥٪ فلازم تبقي متأكد ان دا اول metric بيقل وقت ال scaling فلازم تحسب ال expected CPP بناء علي ٣٪ مثلا و تشوف ان كنت كده هتبقي تمام و لا هتبقي خسران
٤- لو اعتمدت التيست ال انت طالعه علي TikTok من بدري و خصوصا لو كنت COD بناء علي خبرتي اوقات كتير بتكون اوائل الاوردرات دي بيانات مش مظبوطه و القرار ال اخدناه بناء علي تيك توك بتسرع للاسف لما البضاعه بتوصل بتكون النتائج سيئة و محتاجه مجهود عشان نطلعها
٥- لو مراجعتش السوق و المنافسين خصوصا لو وقت التوريد هيطول يعني وارد جدا طلما في منافسين في السوق و شغالين كويس ان منتجك لما يوصل يكون القصه اتحرقت خلاص او في منافسين كتير فكروا زيك و جابوا المنتج معاك و لازم طبعا تشوف اسعار المنافسين
٦- لو استخدمت فيديو التوقعات فيه عاليه جدا و الحقيقه مش كده و الصينين مش بيتوصوا بصراحه فمتضحكش علي نفسك لان دا هينعكس علي نسب توصيل مش كويسه خصوصا لو سامح بمعاينه عند الاستلام
٧- لو مهتمتش بالتعليقات ال جات لك، مهم جدا لو فيها objection انك تحله او توضحه في الكريتف او اللاند قبل التوريز لان مع السكيل دا هيكون سبب اساسي في انخفاض اداء المنتج
٨- انك تفرح بال CPP و تروح تشتري ١٠٠٠ قطعه عشان ال CPP اقل من ال انت متعود عليه و تلبسهم و ترجع تشتكي 😂 فالحل انك قبل ما تقع في المغالطه دي تبص علي البوست ال اتكلمت فيه عن القصه دي 👇🏻
https://www.facebook.com/share/p/1A4dNV5NSp/
٩- لو محسبتش تسعيرك صح او مقدرتش سعر المنتج ال هتورده صح و لما المنتج وصل عليت التسعير فتلاقي المنتج معدتش راضي يتحرك 😅
١٠- و دي تابعه لرقم ٩ و هي انك تتفائل في حسابتك ان نسب التوصيل هتبقي كويسه فبالتالي تعمل حسابك علي ربحيه مش مظبوطه و في الاخر هتشتم شركات الشحن 🤦🏻♂️
دول ال في دماغي حاليا وقولت افكر معاكم في مشكله حقيقية و مهمه جدا انك تحاول تتجنبها
و عشان كله بيجي بعد العرفي مش قبله فالبوست الجاي عن ازاي ممكن تحاول تحرك البضاعه الراكده عندك 😂