ايه علاقة ال CPP بالكمية الـ هتوردها؟
خلال شغلنا في الايكوميرس بيحصل كتير مغالطة ليها علاقة بإنك تحدد الكميه الـ ممكن تعززها من المنتج أو توردها بناء علي CPP الحالي.
يعني لو بنعمل تيست و لقينا ال CPP مثلا وقتها 15ج مثلا فأنت كده بتتفائل و تقول هورد 1000 قطعه و لو الأداء كان في التيست مش اقوي حاجه بتقول هورد 100 قطعه و خليني مأمن نفسي.
و الـ بيحصل في الآخر في بعض الحالات انك تورد الـ 1000 قطعة فتلاقي اول 200 مثلا ممتاز و بعدها الأداء يقع بشكل غريب و ساعات تبقي قطعت خالص.
وهنا بيبقي خطوتين في لازم يتعملوا قبل قرار التوريد دا:.
الأول: سهل وكلنا عارفينه وهو انك هتجيب 100 قطعة أو أقل في الاول بحيث تشوف نسب التوصيل النهائي ال هتوصل لها ايه عشان ميبقاش منتج مغرز، إضافة أنك هتشوف نسب تأكيد الـ fake test الـ انت عملته قبل حتي ما تطلب ال 100 قطعة دول.
الثاني: و هو الغرض من البوست دا و هي فكرة حجم الطلب علي المنتج يعني مش معني ان ال CPP قليل دا معناه ان كده حجم السوق كبير و المنتج هتعمله سكيل to the moon. دا معناه أن المنتج بتاعك الناس ال بيخدمها المنتج دا او مناسب ليهم impulsive buyers او انهم شايف قوة المنتج بتاعك و مش هيترددوا يدفعوا فيه فلوس بس مش معناها نهائي ان كده في 100 الف واحد في مصر منتظرين المنتج بتاعك (المغالطة ال بتكلم فيها).
طب نعمل إيه عشان نقلل مشكلة تعزيز المنتج الـ بيعطل دا؟
هي دراسة تقريبيه لحجم الطلب علي المنتج او ال Niche نفسه. ودا عندك فيه كذا حاجه:
1- تبص علي ال search volume علي ال keywords بتاعت المنتج او ال niche و تقارنها ب keywords منتجات قويه عندك قبل كده وممكن تعمل كده من google’s keyword planner او من أداة مدفوعة زي semrush لو حابب تتعمق أكتر في التفاصيل.
2- تراجع الريفيوهات ال علي المنتج دا و عددها في أمازون و باقي ال marketplaces التانيه جو البلد ال بتورد فيها (و خلي بالك من امازون و اتأكد انك بتدور في ريفيوهات البلد نفسها مش ال global reviews و شوف آخر ريفيوهات كانت أمتي و كثافتها قد ايه في آخر فتره).
3- مراجعة الأداء مقارنة بباقي الدول و دا تعمله لو شغال في كذا دولة علي نفس المنتج ممكن تاخده كتأكيد لكن متعتمدش عليه في حسم القرار لان كل دولة بيبقي ليها ميول مختلفه في بعض ال .niches
4- تحاول تشوف وضع الجمهور نفسه بتاعك و أفكاره و دا من خلال السوشيال ميديا لو هنا في مصر كفيديوهات و تعليقات علي فيديوهات انفلونسر او فيديوهات viral بتتكلم عن ال niche بتاعك و لو في دوله بتهتم بال discussion sites زي Reddit و Quora هتقدر تعرف هما بيفكروا ازاي و إذا كان المنتج فعلا دا هما محتاجينه ولا انت اتخدعت في ال CPP.
5- تشوف ال CTR(link click through rate) كميقاس لمدي حجم الجمهور المهتم، 1% دا الطبيعي و مش مقياس لحاجه لكن لو 3-5% فأنت هنا بتتكلم من كل 1000 في 30-50 زيارة و دا مش رقم قليل من الاشخاص ال مهتم يشوف منتجك دا بيتكلم عن إيه
شوية ال search دا علي قد ما هو مش صعب علي قد ما بيفرق اوي في إنك متلبسش بضاعه كتير وقت التعزيز و تراكم بضاعه كتير.
و دي كانت دردشه سريعة كده والبوست الجاي هنتكلم عن لو أداء الحمله فجأة وقع بعد نفس ال 200 اوردر الـ في المثال الـ فوق ممكن يكون إيه السبب من وجهة نظر الميديا باير المره دي.
