فكرت في حل لأزمة الجنيه فقولت خلاص هتطلع تشتغل علي السعودية و لو توسعت هتروح الإمارات، صح؟
طب انت عارف ان في 14 دولة غير الثلاثي المشهور (مصر – السعودية – الإمارات) عملنا ليهم فالديشن و اشتغلنا عليهم ايكوميرس عادي.
عشان كده في case study النهارده جايبلك منهم 3 دول بشكل عشوائي غير الثلاثي المشهور بأرقامهم و نتائجهم و ارباحهم و هنسميهم A,B,C و دا عشان تراجع حساباتك و افكارك لو لسه متوسعتش بره الثلاثي المشهور و ندي أمل للفقدوا الأمل في الزحمه.
————————————-
اولاً: ازاي تطلع بره الثلاثي دا انت كمان؟
جهز بقي ترمس شاي لان الجاي كبير
هتحتاج انك تبقي عارف أو إنك تهندل كلاً من: product sourcing – الشحن الدولي – اختيار المنتج المناسب للسوق – التسعير – الكول سنتر – المخازن – شركات الشحن الداخلي.
هتحتاج تعرف اذا كانت الدولة دي مناسبة و لا لأ
هتحتاج تعرف شويه عن قوانين الدولة و تفاصيل بسيطه تانيه
هتحتاج تعرف ازاي تطلع فلوسك بره البلد
هبدأ معاك بصياغة خطوط عريضه عن كل نقطة و انت هيبقي عليك البحث لو حبيت تتعمق في الأمر
و نبدأ مع 1- Product Sourcing:
و دي هتنقسمك معاك لطريقين:
هتجيب المنتج بنفسك و ساعتها يا هتستورده يا هتصدره
** هتستورده يبقي انت هتشوف المنتج بتاعك دا لو موجود في كمثال عملي (الصين – الهند – الإمارات – تركيا – المغرب) و تطلبه (محتاجه بحث منك دي خصوصا الصين) و تبعته لشركة الشحن الدولي ترسله لك علي البلد ال انت عايزها.
مثال: عايز تبعت قطاعة الخضار اليدوية لدولة ما
هنا هتشوف الدولة ال هتورد منها قريبه ولا بعيده من الدولة المستهدفه يعني لو هوصل مثلا للكويت اكيد هختار الإمارات (سوق نايف) و هتشتري المنتج إلا في حالتين يا إما المنتج دا مش موجود في الإمارات او إن السعر في الصين يستاهل بعد شحنه انك تجيبه من الصين و تنتظر مده الشحن الدولي.
** إنك تصدره و في الحاله دي في الغالب انت المنتج عندك في السوق المحلي أو انت مصنعه و ساعتها هتتفق مع شركه تخلص لك إجراءات الشحن و تشوف التراخيص المطلوبه منك.
مثال بفكره مختلفه: تصدير عطور من الأردن لفلسطين.
في المثال الحقيقي دا هتلاقي في شركات شحن في الأردن بتقدر تطلع cross border shipping بالقطعه او انها تنقل لك البضاعه ال انت عايزها كلها و تدخلها فلسطين.
هتخلي حد يقوم بالعمليه دي بالنيابه عنك و في حاله دي بشوية بحث هتوصل لشركات و افراد بيقدموا الخدمه دي و يرسلوها بعدها لشركة الشحن الدولي ال انت متفق معاها او لو يعرفوا شركه موثقه تبعت للبلد ال هتشتغل فيها تقدر تكمل من خلالهم.
انا بفضل ايه؟ انا بفضل الأولي بس لو بتبدأ جرب الخيار التاني.
—————–
2- الشحن الدولي:
الأنواع الـ ممكن تحتك بيهم من الشحن و هما
maritime و دا الشحن البحري
المميز في الشحن دا هو السعر الرخيص انت هنا هتتحاسب علي الأغلب بالمتر المكعب و هتقدر تنقل sensitive items مش هتقدر تشحنها خلال الجو زي المواد القابلة للاشتعال
العيب هيكون في مدة الشحن الطويلة و عشان كده يفضل تلاقي المنتج في مصدر قريب من البلد ال انت عايز تبعت بضاعتك عليها
الشحن الجوي
الميزه هي السرعه 10 يوم فيما فوق و بتلاقي بضاعتك في الدولة ال انت عايزها كمان في بعض المنتجات الجوي من تجربتي بتدخل اسهل من البحري.
العيب السعر العالي مقارنة بالبحري انت هنا هتتحاسب بالكيلو أو المتر المكعب (الوزن الحجمي) ايهما اكبر كمان مش كل المنتجات هتقدر تنقلها في الجو في منتجات ممنوعة كتير لخطورتها علي الطيارة
الشحن البري
مكنش معايا تجارب كتير فيه بس تجاربي كانت في سعر و زمن متوسط بين الجوي و البحري و لو في منتج هيرخم في الدخول بيرموا أرقام عاليه فيه
في كل الحالات لازم تخلي اتفاقاتك مع الشركات دي هي DDP (Delivered Duty Paid) و دا مصطلح في الشحن معناه ان Freight forwarder مسئول عن جميع الرسوم الجمركيه و الضرايب (التأمين علي الرحلة غير مشمول) و حتي توصيلها لمخازنه و انت تبعت تحمل البضاعه من عنده
طب بنتفق ازاي مع ال Freight forwarders؟ احنا في الاول بنوصل لهم سواء من التوصية من بعض موردين المنتجات او بالبحث و السؤال
بنبعت لهم ال packaging list للبضاعه و دا بتاخده من المورد بيكون فيه المنتج و حجمه و وزنه و عدد القطع في الكارتونه و بنعرفهم البضاعه هتطلع منين و هتروح فين و بنطلب سعر المتر المكعب في الشحن البحري و سعر الكيلو في الشحن الجوي بحيث يكون الاتفاق DDP
و لو Door to Door يبقي افضل لو ملكش حد في الدولة ال هتبعت لها و بنختار افضل سعر منطقي للشحن.
—————–
3- اختيار المنتج المناسب للسوق:
مهم جدا اختيار منتجات متكونش مهروسه في السوق و دا هيبان معاك من خلال حاجاتين التيست بحمله و تشوف النتائج و البحث عن إعلانات المنافسين.
طبعا الحاله المثاليه تكون حمله التيست perfect في النتائج و مفيش حد طالع إعلان علي المنتج.
طب لو التيست اداءه جميل و في إعلانات منافسين دا هيأثر علي الكميه ال هتبعتها يعني تبعت كميه صغيره 50-100 تشوف الأداء هيبقي إزاي و في التجديد تخليك حذر و تجدد كميه صغيره كل مره.
المنتج المناسب بالنسبه للتيم عندنا هو المنتج ال بعد التيست يومين علي الأقل يكون ال CPP أقل من 25-50% ال Max CPP و دا منطقي لانك محتاج اما تسكيل تفضل كسبان كويس و في شغلي بعتمد علي 30% Max CPP عشان اختار اجيب المنتج لو أعلي بأجل المنتج او ابعت كميه صغيره منه.
كمان في بعض الأسواق مع الوقت هتبقي عارف ناقصها ايه يعني مثلا في غرب أفريقيا الناموس بيضايقهم فتلاقي ان المنتجات ال بتقتل او يتمنع وجود الناموس سهمها صاعد دايما و كمان كريمات الأمراض الجلديه و الحساسية.
مثال عملي: في فلسطين دايما بيبقي في نواقص في السوق فلقينا بعض كريمات ال بتعالج اعراض بتظهر علي الجلد مش موجوده قد كده في السوق فلما نزلنا بيها خلصنا الستوك في يومين.
العكس بالعكس طبعا في بعض المنتجات في بعض ال niches ال أداءها بيبقي في غاية السوء زي منتجات تبيض الأسنان بأنواعها و زي ألعاب الأطفال.
—————–
4- التسعير:
هنا هتكلم في استراتيجية ال skimming pricing انت دلوقتي داخل في بلد عدد المنافسين قليلين او خام حتي و معاك منتج مش موجود غيرك في السوق بتبيعه فانت اتبع الاستراتيجية دي بإنك تحط أعلي تسعير ممكن و تنزل بالتدريج اما السوق يبدأ يتملي بالمنافسين و دا هتتعلمه مع الوقت امتي السوق بيتحرك يطلب المنتج ال بقي تريند خلاص لانها بتختلف من بلد لبلد من ناحية السرعه و في أسواق بتحرق جامد اما المنتج يركن لو لحظة (موضوع التسويق دا لسه منزلش عندهم في السيستم) فتلاقي هوب دابل كيك المنتج ال بيتباع ب 30 دولار بقي بيتباع ب 10 دولار في كل مكان و عليه عرض هديه.
في مقابل مميزات البلد الخام دي تأكد ان نسب التوصيل مش هتبقي لطيفة بالتالي لازم تبرمج نفسك علي متوسط 36% توصيل من مجمل الطلبات.
كمان في نقط لازم تاخدها في حسابك في التسعير، انت دلوقتي معاك سعر المنتج في بلده الأم و معاك تكلفه شحنه للدولة المستهدفه فتقدر تحدد سعره في أرضيه الدولة بكام بس دا البداية فقط لان معاك التالي:
تكلفة الكول سنتر و هل هي علي ال lead فقط و لا ال confirm بسعر تاني
متوسط سعر الشحن الداخلي
عمولة التحصيل collecting fees كنسبة من الفلوس المحصله% إن وجدت
RTO (return to origin) او مرتجعات الشحن زي ما بنسميها في مصر
تكلفة التخزين باليوم للمتر المكعب
تكلفة التجهيز و التغليف إن وجدت
عدد الأوردرات الصحيحه من مجمل الطلبات و دا لانك مش هيجيلك في الداش بورد 100 اوردر هتلاقيهم 100 اوردر صاج سليم انما في اوردرات بياناتها ناقصه و في اوردرات fake و في اوردرات مكرره -انا عن نفسي بحسبها 95% إلا أن يثبت العكس-.
(Transaction fees)عمولات البنوك و الكروت سواء كان عمولة تدبير او فرق سعر العملة زي عندنا في مصر او عمولة تحويل او اي رسوم مخفيه بتتخصم منك خلال الشغل لازم تحطها في حسابك
نسبة ال Refund
نسبة ال damaged لان بضاعتك وارد تيجي ناقصه قطع او بايظ فيها قطع و بعد ما توصل شوية اوردرات في مناديب هتيجي بالمنتج بايظ في إيدها و معدش ينفع يطلع
نسبة التوصيل المتوقعة من مجمل الطلبات و نسبة التأكيد المتوقعه (عشان تعرف تحسب ال RTO) و دي بتعرفها بسؤال حد في السوق قبلك و شركة الشحن الداخلي و تعمل حسابك علي أسوء سناريو اوعي انك تتفائل في الجزئية دي عشان تفضل دائما كسبان إن شاء الله
هامش الربح ال هتحطه و دا هتكلم عنه كمان شويه
ان كنت هتعمل باندل لازم تاخد بالك من الوزن لو هتبعت جوي لان كده الشحن و سعر المنتج اتضرب في 2 او 3
محتاج بعد دا كله تطلع ال Max CPP ال هتبني عليه كل شغلك بعد كده و محتاج تبعت بعض بضاعه بكميه بسيطة تطلعها up-sell لان الموضوع دا جامد جدا كربحيه امتثال لفكرة انك تعلي ال AOV بتاعك.
—————–
5- الكول سنتر:
الكول سنتر عندك شقين:
هتستعين بكول سنتر في البلد المستهدفه و دا ال بفضله (في غيري يختلف مع النقطه دي -بس انا بحب outsource بعض الجزئيات-)
هتعمله بنفسك و هنا هيبقي في طريقتين لعمل مكالمات لمختلف البلاد:
1- انك تشترك في خدمه تقدملك الرقم بشكل افتراضي في الدولة المستهدفه بإيجار شهري و باقات و هتتكلم منه كإنك قاعد في البلد مش مكالمه دولي مكلفه يعني و دا مهم جدا في التأكيد انك تكلم العميل من رقم بلده
2- انك تشتري خطوط من البلد المستهدفه و تجيبها (شوف لك طريقة) و تحطها في حاجه اسمها GSM gateway و دا جهاز بيتحط فيها الخطوط و من خلال نفس الخدمه ال في النقطه الاولي او شركه زي hodusoft هتقدر من خلالها تعمل مكالمات أكنك من الدولة المستهدفه
و انا بفضل الحل الأول كسهولة تطبيق و بفضل أكتر منها فكرة ال agent الجاهز في الدولة المستهدفه
—————–
6 و 7 – المخازن و الشحن الداخلي
بشوية بحث هتوصل لشركات الشحن في الدولة ال انت عايز تشتغل فيها بس الأفضل من التجربه انك تشتغل مع شركات شحن تقدم خدمه التخزين و الشحن كمان في بعض شركات بتقدم علي الخدمه كمان كول سنتر مع التخزين و الشحن ك fulfillment center متكامل و دا انا بفضله جدا.
———————————-
بالنسبة لسؤال إذا كانت الدولة مناسبة و لا لأ:
الدولة المناسبة بالنسبه لينا هي الدولة ال مفيهاش حرب يعني كمثال سوريا حاليا بوضع غير مستقر مش هتنفع معاك غير كده الامر فيه يسر
طب لو اقتصاد الدولة أي كلام؟ جايلك من الدولة الـ أي كلام و بقولك القطعة المتوصله ربحها 13$ يعني اكني شغال WW في سوق ابسط كتير من سوق ال Top 5
طب لو الدولة سمعتها انها فقيره؟ جايلك من الدولة الـ فقيره و بقولك حاطط فيها تسعير استحاله اسعره في مصر الكحيانه بتاعتنا
يبقي الخلاصه لو في حرب ارجع بظهرك لحد ما الحرب تخلص و ادخل بستوك النواقص في السوق او طلما الوضع الأمني غير مستقر و حروب ابعد.
———————————-
بالنسبة لنقطة هتحتاج تعرف شويه عن قوانين الدولة و تفاصيل بسيطه تانيه:
التفاصيل ال محتاج تعرفها هي إذا كان في مشكلة في شحن بعض المنتجات زي الأردن كمثال منتجات ال cosmetics و ال medical ممنوع بدون ترخيص و دخولها بيبقي أقرب للمستحيل.
بس في نقطه هنا مهمه و هي في الشحن الدولي بالذات و الجمارك متاخدش الكلام كله إلزامي يعني كلمه لأ مش شرط انها تبقي النهائية دور عن إجابات تانيه و حلول تانيه و في منتجات اتقالي استحاله تدخل و دخلت و في تهريب شغال يعني متشغلش بالك كل واحد قادر يدخل بضاعه بس هي عايزه قلب و متاخدكش الكلام كله قرآن من ال fright forwarders بالذات
محتاج تعرف دخول المنتجات بيحتاج تعقيدات و اوراق و لا الامر بسيطه و دا بيختلف من دوله لدولة
محتاج تعرف شكل السوق المحلي:
هل في حرق؟
هل في منافسين كتير؟
هل السوق متشبع للمنتجات التريندي المعروفة؟
هل السوق يتحمل كم قطعة من المنتج قبل ما يتحرق و دا بيختلف من منتج لمنتج لكن انا هنا بالتكلم عن المنتجات التريندي البسيطه لان في منتجات ممكن تخلص منها 50 الف قطعه و السوق مش هيشبع منها؟
هل السوق مشابه مع سوق في دولة تانيه انت كنت فيه عشان علطول تبدأ بتيست منتجات للدولة دي و العكس بالعكس بعد كده ال بينجح في دوله جديده تنقله في الدول ال انت مستقر فيها؟
هل السوق في مستوردين كتير بحيث تعتمد علي السوق المحلي في البداية بدل الاستيراد؟
محتاج تعرف نسبة الطبقة المتوسطه في الدولة كل ما تزيد كل ما دا مؤشر ممتاز للشغل
محتاج تعرف عدد السكان كل ما زاد عدد السكان ممكن تقلل هامش الربح عادي (اقل هامش ربح شغال بيه 10 دولار) و اعتمد علي عدد الاوردرات الأكبر
و لو عدد السكان قليل زود هامش الربح (15$+) لان المنتجات هتموت معاك اسرع
محتاج تعرف سعر الدولار في السوق الموازي إن وجدت و تشتغل في التسعير عليه
محتاج تعرف شكل ال plug بتاع فيشة الكهرباء لان الحوار دا خايله لو غلطت فيه
———————————-
بالنسبة لنقطة خروج الفلوس و دي مهمه جداااااا:
اهمية النقطة دي بتيجي في اللحظة الـ هتعرف فيها ان في اسواق كتير فيها سوق موازي لسعر الدولار بالإضافة إلي حدود في التحويل الدولي زينا يعني فلازم يبقي في مسار واضح لخروج الفلوس.
مثال: ** في ليبيا سعر الدولار في السوق الموازي متذبذب جدا حاليا و ووصل 7 دينار للدولار بدل 4.83 رسمي
** في العراق سعر موازي 1600 دينار للدولار و الرسمي 1300 في صعوبات في خروج الفلوس و لو معندكش طريقة واضحة لخروج الفلوس عادي جدا تبني ثروتك و تفضل الثروة دي في العراق ابقي روح هناك اتمتع بيها
—————————————-
طب ال best practice بتاعي ايه؟
1- اختيار المنتجات و البحث عنه في السوق
2- تسعير المنتج و عمل content ليه
3- تيست للمنتج من يومين ل 3 حسب الأداء
4- المنتجات الوينر بشتري منها 100 قطعة لزوم ال validation
5- بعد ما المنتج يوصل و نعمله ال validation و نتأكد من نسب توصيله بنعزز منه بناء علي اداءه بشكل دوري 200 – 500 في المره و كل ما الاداء ينخفض بنقلل في التعزيز التالي
6- المنتج السئ و دا وارد بعد ما المنتج يوصل مينطقش فيطلع upsell او نعمله عرض BOGO او نعدل تسعيره او نشتغل عليه اكتر من ناحية تسويقية لحد ما نحركه
7- الطريقة المحببه ليا منتجات كتير في دول كتير و دا بيخلي في استقرار و بالنسبه ليا احسن من منتج او اتنين في دولة واحده و احط منه عدد اوردرات كبير يعني من الاخر حاول تعمل تيستات كتير و تطلع وينرات اكتر
8- اول ما الستوك يزيد معايا بنزل باسم كذا صفحة و كذا موقع و انافس نفسي و دا من التجربه بيحرك البضاعه افضل و اسرع
9- هحتاج تيم قوي جدا لمتابعه التفاصيل دي لانها كتير صراحه و في الاول خليك دائما معتمد علي ال outsourcing لحد ما تقف علي رجلك
10- نقطة القوة هنا هي تخيل لو انت شغال علي 10 دول بجانب الثلاثي المشهور اكيد يستاهل التعب
—————————————-
ثانيا: case study عمليه
هفصل هنا كل دولة من A,B,C علي حده:-
نبدأ بدولة A:
في الدولة دي اختارنا منتجات في الـ niches التاليه:
trendy, home gadgets, skincare, fitness
بعد ما عملنا ليها تيست، ال winners اتبعتت علي fulfillment center بيقدم كل الخدمات و طبعا هو اداني تسعير كل خدمه و علي أساسه حطيت التسعير، البلد دي عدد سكانها كبير و عشان كده هامش الربح كان 10$
و كده سعر المنتج النهائي= سعر المنتج في البلد الام + شحنه الدولي + تكلفه الخدمات و الشحن + هامش الربح.
متوسط نسبة الشحن المتوقعة من مجمل الطلبات = 36% مقسمه علي الشكل التالي:
60% confirm
60% total
Avg. CPP= 1.75$ (بعد الاخذ في الاعتبار نسبة الاوردرات الصحيحه من مجمل الطلبات)
Total Orders= 11676 order
Margin= 10.5$ (في ناس طلبت قطعتين)
Total Sales= 360,086$
AOV= 30.84$
Delivery Rate from total (actual) = 34.76%
Transaction fees= -43.63% و دي فيها كلام كبير
Net Profit from A = +$22K
نيجي لنقطة السالب ال في عمولة التدبير دي:
بسبب الفرق الكبير بين سعر الدولار في السوق الموازي و البنك وفقنا الله لاستغلال الفرق دا بإننا somehow قدرنا ندفع تيك توك بالجنيه بسعر البنك و نقبض الارباح بسعر السوق السوداء.
في شخص لماح هنا هيقول طب ما انت الدولة المتاحه للاد اكونت المصري مش كتير بالتالي في الغالب انت كنت شغال علي اد اكونت فاتح global ل agency اقولك ما دا ال somehow ال في الموضوع
و طبعا الفلوس كنا بنستلمها USDT فبالتالي كل دولار اتصرف وقتها كسبنا من خلال فرق العملة فيه 28ج (سعر سوق رسمي 31 و موازي 59 وقت ما دفعنا الفلوس لل agency) بالتالي كربح إضافي صرفنا 20 الف دولار في ال case دي يعني $8K إضافية يبقي كده ال
Total Profit from A = +$22K + $8k = 30,312$
————————
دولة B:
مش محتاجه إعادة في الكلام لانها نفس الخطوات:
Niche: Medical
Avg. CPP= 1.9$ (بعد الاخذ في الاعتبار نسبة الاوردرات الصحيحه من مجمل الطلبات)
Total Orders= 1754 order
Margin= 11.3$ (في ناس طلبت قطعتين و عدد السكان قليل لكن دا افضل تسعير متاح للستوك دا بناء علي التجربة)
Total Sales= 53,050$
AOV= 30.24$
Delivery Rate from total (actual) = 39.96%
Transaction fees= 1.5% (USDT transfer fees)
Net Profit from B = +$4.5K
————————
دولة C:
مش محتاجه إعادة في الكلام لانها نفس الخطوات:
Niche: Medical, Trendy, Skincare, Fitness.
Avg. CPP= 2.15$ (بعد الاخذ في الاعتبار نسبة الاوردرات الصحيحه من مجمل الطلبات)
Total Orders= 9761 order
Margin= 15$ (في ناس طلبت قطعتين وعدد السكان قليل)
Total Sales= 299,503$
AOV= 30.68$
Delivery Rate from total (actual) = 36.90%
Transaction fees= 1.5% (USDT transfer fees)
Net Profit from C = almost $33K
————————————————
مجمل الثلاث دول :
Total Sales= $712k
Total Orders= 23191 Order
Total Net Profit= $67.8k (متنساش تقول ما شاء الله)
