لو أداء الحمله فجأة وقع ممكن يكون إيه السبب؟
المره الـ فاتت اتكلمنا عن مغالطة ربط ال CPP الحالي بحجم التعزيز من المنتج و ازاي ممكن نحاول نقلل من المشكله دي (من وجهة نظر ال E-commerce executive) ونراكم بضاعه راكدة في المخازن نتيجة تعزيز بكميه اكبر كتير عن احتياج السوق.
بس مش معني الكلام دا إن ممكن متبقاش المشكله عند الميديا باير في الأصل و في angle تانيه محتاج يتبص عليها قبل ما نحدد الغلط فين.
=================
طب من وجهة نظر ال media buyer شغال في بروجيكت ايكوميرس والأداء وقع خالص (نفس مثال المره الـ فاتت) ممكن يفكر ازاي؟
أول حاجه ممكن يفكر فيها: هي مراجعة ال Dashboard metrics
في احتمالات كتير ممكن تتسبب أن الأداء يقع منها علي سبيل المثال:
1- ان ال CPM بقي عالي جدا و دا بيحصل في مواسم معينه او Page score اتضرب او انك نقلت ل ad account جديد وارد جدا اول كام يوم بيبقي ال CPM عالي فعلا
2- ان ال CTR% قل جدا عن الأول (مع زيادة ال CPC) ودا ممكن منAd fatigue او narrow audience و زاد عندك ال frequency او في تعليقات السلبية كتير بدأت تقلق الناس او ال scaling نفسه ال انت عملته غير أداء الحمله خصوصا لو بتعتمد ال pump و ال punch (mindshift course)
3- أن السيرفر بدأ يبقي بطئ و بالتالي الموقع كمان ببقي بيحمل ببطئ و دا هتلاقيها لو انت موقعك علي host فهتلاقي نسبة فقد ال link click ل content view عاليه فتدفع أكتر علي ال cost per content view فالاداء يبقي سئ معاك
=================
ثانياً: هي مراجعة آخر التعديلات علي الموقع نفسه.
1- هل اتضاف قيمة شحن بعد مكان الشحن مجاني مثلا؟
2- هل في تعديل حصل في ال buttons او ال checkout process؟ (يقدر يخمن وجود حاجه زي كده من ال dashboard metrics قبل ما يروح علي الموقع)
3- هل سعر المنتج اتغير؟
4- هل المحتوي بتاع ال landing page اتغير؟
=================
ثالثاً: هي مراجعة عامه بره ال dashboard، و دي علي قد ما تبان بسيطه إلا إن تأثيرها ضخم.
1- هل ظهر منافسين بيحرقوا أسعار او ظهر منافسين كتير بشكل عام؟
2- هل في انفلونسر عمل عنكم bad review او في زبون نزل عنك ريفيو في جروبات سوشيال زي don’t shop here مثلا (brand attack)
3- هل في تعليقات سلبيه كتير منسيه من غير filtration
4- هل في صحيفة كتبت عن المنتج بتاعك كلام سلبي (ادخل فيgoogle news و ابحث عن الصبارة الراقصة مثلا، و انت تفهم مدي تأثير حاجه زي كدة)
5- هل في حد عمل review علي صفحتكم بتقييم نجمة مثلا او علي المنتج نفسه لو انت سامح بدا و انت مش واخد بالك
6- هل في تعليقات بتتكلم عن objection معين انت مكنتش واخد بالك منه و محتاج توضحه عشان في فئة أكبر تشتري منك
7- هل في استخدمات تانيه للمنتج لو عرفتها للزبون ممكن تستهدف فئة أكبر بكتير
8- هل أسلوب حملات messages ممكن يساعد اننا نسكيل أكبر بره مساحة ال conversion
9- هل لو نوعت في advertising platforms ممكن دا يساعد اننا نوصل ل audience جديد ممكن يشتري لو حصل تشبع في منصة محددة
=================
و حاجات تانيه ممكن تتعمل بس دي كانت أمثله للطريقة ال ممكن تفكر بيها، بعد مراجعة كل دا بقي تقدر تحدد هل هي تسرع في تعزيز المنتج بكميه أكبر من احتياج السوق و لا في مشاكل جوا او بره ال dashboard الميديا باير كان محتاج يوصلها و يحلها عشان منرميش كل حاجه علي حجم ال audience ال ممكن يشتروا منتجك.
